பிரென்ட் கச்சா எண்ணெய் விலை 96 டொலரை கடந்தது!

மத்திய கிழக்கில் நிலவும் தீவிர பதற்றம் காரணமாக சர்வதேச சந்தையில் கச்சா எண்ணெய் விலை வேகமாக அதிகரித்துள்ளது. இன்று காலை நிலவரப்படி பிரென்ட் கச்சா எண்ணெய் விலை 2.19% உயர்ந்து, ஒரு பெரலுக்கு 96.13 அமெரிக்க டொலராக பதிவாகியுள்ளது.

2026 ஜூன் 8ஆம் திகதிக்குப் பின்னர் முதன்முறையாக பிரென்ட் எண்ணெய் விலை 96 டொலரைத் தாண்டியுள்ளது. ஹோர்முஸ் ஜலசந்தி வழியாக நடைபெறும் கப்பல் போக்குவரத்தில் ஏற்படும் தடைகள் மற்றும் பாரசீக வளைகுடா நாடுகளிலிருந்து எண்ணெய் விநியோகம் குறையும் அபாயம் ஆகியவை விலை உயர்வுக்கான முக்கிய காரணிகளாகக் குறிப்பிடப்படுகின்றன.

தற்போதைய நிலைமை தொடருமானால், 2026ஆம் ஆண்டின் நான்காவது காலாண்டில் பிரென்ட் கச்சா எண்ணெய் விலை ஒரு பெரலுக்கு 120 அமெரிக்க டொலரைத் தாண்டக்கூடும் என எதிர்பார்க்கப்படுகிறது. இதேவேளை, உக்ரைன் மற்றும் பாரசீக வளைகுடா பகுதிகளில் நீடிக்கும் மோதல்கள் உலகளாவிய பெட்ரோல் மற்றும் டீசல் சந்தைகளில் கடுமையான விநியோக நெருக்கடி ஏற்படும் அபாயத்தை அதிகரித்துள்ளதாக ரொய்ட்டர்ஸ் தெரிவித்துள்ளது.