நல்லூரில் மோட்டார் சைக்கிள்–கார் விபத்து: ஒருவர் உயிரிழப்பு; ஒருவர் படுகாயம்

யாழ்ப்பாணம், நல்லூர் குறுக்குத் தெரு சந்திப்பில் நேற்று இரவு சுமார் 11.20 மணியளவில் மோட்டார் சைக்கிள் மற்றும் கார் மோதி இடம்பெற்ற விபத்தில் ஒருவர் உயிரிழந்துள்ளதுடன், மேலும் ஒருவர் படுகாயமடைந்துள்ளார்.

மோட்டார் சைக்கிளில் பயணித்த கந்தசாமி கோகுலதாஸ் என்பவர் விபத்தில் உயிரிழந்துள்ளார். அவருடன் பயணித்த சஞ்சீவன் என்பவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார்.

விபத்தில் கார் மற்றும் மோட்டார் சைக்கிள் ஆகிய இரு வாகனங்களும் கடுமையாக சேதமடைந்துள்ளன.

விபத்தின்போது மோட்டார் சைக்கிளில் பயணித்த இருவரும் தலைக்கவசம் அணியவில்லை என்றும், மதுபோதையில் இருந்ததாகவும் தகவல்கள் வெளியாகியுள்ளன. எனினும், இந்தத் தகவல்கள் இதுவரை பொலிஸ் அல்லது மருத்துவப் பரிசோதனை மூலம் உத்தியோகபூர்வமாக உறுதிப்படுத்தப்படவில்லை.

சம்பவம் தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.