எரிபொருள் QR முறை தொடரும் – நீக்கும் திட்டம் இல்லை: இலங்கை பெட்ரோலியக் கூட்டுத்தாபனம்

எரிபொருள் விநியோகத்திற்காக நடைமுறையில் உள்ள QR முறையை உடனடியாக நீக்கும் திட்டம் எதுவும் இல்லை என்று இலங்கை பெட்ரோலியக் கூட்டுத்தாபனத்தின் நிர்வாக பணிப்பாளர் மயூர நெத்திகுமரகே தெரிவித்துள்ளார். உலகளாவிய எரிபொருள் சந்தையில் நிலவும் ஸ்திரமற்ற சூழல் காரணமாக இந்த முறை தொடர்ந்து அமலில் இருக்கும் என அவர் கூறினார். QR முறை எரிபொருள் பயன்பாட்டையும் டொலர் கையிருப்பையும் கட்டுப்படுத்த உதவுவதுடன், போர் போன்ற அவசர சூழ்நிலைகளில் எரிபொருள் பற்றாக்குறையைத் தவிர்க்கவும் மக்களுக்கு சிரமம் ஏற்படாமல் பாதுகாக்கவும் முக்கிய பங்காற்றும் என விளக்கினார். மேலும், தற்போதைய போர்ச் சூழல் நாட்டின் எரிபொருள் விநியோக வலையமைப்பை பாதிக்கவில்லை என்றும், சர்வதேச சந்தை மாற்றங்களை தொடர்ந்து கண்காணித்து வருவதால் எதிர்கால எரிபொருள் விலை நிலவரம் குறித்து அவதானமாக செயல்பட்டு வருவதாகவும் அவர் தெரிவித்துள்ளார்.