எரிபொருள் QR முறை மற்றும் வரம்புகளை நீக்க கோரிக்கை

பெட்ரோலிய விநியோகஸ்தர்கள் சங்கம், நாட்டில் தற்போது நடைமுறையில் உள்ள எரிபொருள் QR முறை மற்றும் விநியோக வரம்புகளை நீக்குமாறு அரசாங்கத்திடம் கோரிக்கை விடுத்துள்ளது.

கொழும்பில் நடைபெற்ற ஊடகவியலாளர் சந்திப்பில் கருத்து தெரிவித்த சங்கப் பிரதிநிதிகள், இலங்கை பெட்ரோலியக் கூட்டுத்தாபனத்தின் நட்டம் தற்போது முழுமையாக ஈடுசெய்யப்பட்டுள்ளதால், அதற்காக விதிக்கப்பட்டுள்ள ரூ.50 வரியையும் நீக்கி மக்களுக்கு நிவாரணம் வழங்க முடியும் என தெரிவித்துள்ளனர்.

மேலும், QR முறை மற்றும் எரிபொருள் விநியோக வரம்புகள் பொதுமக்களுக்கு சிரமத்தை ஏற்படுத்தி வருவதாகவும் அவர்கள் சுட்டிக்காட்டினர். எரிபொருளுக்கான 18% பெறுமதி சேர் வரி மற்றும் விநியோகஸ்தர்களுக்கான சேவைக் கட்டணம் 3% இலிருந்து 1.6% ஆக குறைக்கப்பட்டுள்ளதால், தாங்கள் கடுமையான பொருளாதார நெருக்கடிகளை எதிர்கொள்வதாகவும் தெரிவித்துள்ளனர்.

இதேவேளை, சினொபெக், லங்கா ஐ.ஓ.சி. மற்றும் ஆர்.எம். பார்க்ஸ் உள்ளிட்ட எரிபொருள் விநியோக நிறுவனங்களும் பல்வேறு பிரச்சினைகளை எதிர்கொண்டு வருவதாகவும், அவற்றுக்கு அதிகாரிகள் விரைந்து தீர்வு காண வேண்டும் எனவும் சங்கம் கோரியுள்ளது.